കരുവാരക്കുണ്ടില് 14കാരിയെ കൊലപ്പെടുത്തിയ സംഭവത്തില് കുറ്റം സമ്മതിച്ച് 16 കാരന്. ഇന്നലെ സ്കൂളില് പോയ പെണ്കുട്ടിയെ ഇന്ന് റെയില്വേ ട്രാക്കില് മരിച്ച നിലയില് കണ്ടെത്തുകയായിരുന്നു. പോലീസ് ചോദ്യം ചെയ്യലിലാണ് 16 കാരന് കുറ്റം സമ്മതിച്ചത്.
ഇന്ന് രാവിലെ പ്ലസ് വണ് വിദ്യാര്ത്ഥിയായ 16കാരനെ പോലീസ് കസ്റ്റഡിയിലെടുത്തിരുന്നു. കരുവാരക്കുണ്ടില് നിന്ന് കാണാതായ 14കാരിയുടെ മൃതദേഹം റെയില്വെ ട്രാക്കിന് സമീപത്തുനിന്ന് രാവിലെ കണ്ടെത്തുകയായിരുന്നു. പാണ്ടിക്കാട് തൊടിയപ്പുലം റെയില്വെ ട്രാക്കിന് സമീപമാണ് മൃതദേഹം കണ്ടെത്തിയത്. സംഭവത്തില് ദുരൂഹതയുള്ളതായി പോലീസ് സൂചിപ്പിച്ചിരുന്നു.
കരുവാരക്കുണ്ട് സ്വദേശിയുടെ മകളായ ഒമ്പതാം ക്ലാസ് വിദ്യാര്ത്ഥിനിയാണ് മരിച്ചത്. കുട്ടിയെ കാണാനില്ലെന്ന് കുടുംബം പരാതി നല്കിയിരുന്നു. ഇതില് അന്വേഷണം നടക്കുന്നതിനിടെയാണ് മൃതദേഹം കണ്ടെത്തിയത്. മൃതദേഹം കണ്ട നാട്ടുകാരാണ് പോലീസിനെ വിവരം അറിയിച്ചത്. കുട്ടിയുടെ ശരീരത്തില് മുറിവേറ്റ പാടുകളുണ്ടായിരുന്നു.
Be the first to comment