നിയമസഭാ തിരഞ്ഞെടുപ്പില് മത്സരിക്കണമെന്ന നിലപാടില് ഉറച്ച് കെ സുധാകരന് എംപി. ഹൈക്കമാന്ഡുമായുള്ള കൂടിക്കാഴ്ചയിലും മത്സരിക്കണം എന്ന നിലപാട് അറിയിക്കും. ഡല്ഹി യാത്രയ്ക്ക് മുമ്പ് കെ സുധാകരനുമായി എഐസിസി അധ്യക്ഷന് മല്ലികാര്ജുന് ഖര്ഗെ സംസാരിച്ചു.
എംപിമാര് മത്സരിക്കേണ്ടെന്നാണ് തീരുമാനം. സംസ്ഥാന നേതൃത്വത്തിന്റെ തീരുമാനം ഹൈക്കമാന്ഡ് അംഗീകരിക്കും. ഇതുപ്രകാരം കെ സുധാകരനും അടൂര് പ്രകാശിനും സീറ്റില്ലെന്നാണ് വിവരം.
എംപിമാര് മത്സരിക്കേണ്ടതില്ല. മണ്ഡലങ്ങളില് എംപിമാരുടെ അഭിപ്രായങ്ങള് കൂടി പരിഗണിച്ച് തീരുമാനമെടുക്കാനാണ് നീക്കം. അതേസമയം, കണ്ണൂര് ഡിസിസി ഓഫീസിന് മുന്നില് വീണ്ടും കെ സുധാകരന്റെ ഫ്ലക്സ് പ്രത്യക്ഷപ്പെട്ടു. പിണറായി സര്ക്കാറിനെ താഴെ ഇറക്കാന് കോണ്ഗ്രസിന്റെ പടനായകന് കെ സുധാകരന് എത്തുന്നുവെന്നാണ് ഫ്ളക്സില് പറയുന്നത്. കണ്ണൂരിന്റെ ഹൃദയമാണ് കെ എസ് എന്നും ഫ്ളക്സിലുണ്ട്.
ഇന്ന് രാവിലെ ചേരുന്ന കേന്ദ്ര തിരഞ്ഞെടുപ്പ് സമിതി യോഗത്തിനുശേഷം പട്ടിക പ്രഖ്യാപിക്കാനാണ് ധാരണ. അന്തിമഘട്ട ചര്ച്ചകള്ക്കായി കഴിഞ്ഞദിവസം നേതാക്കള് ഡല്ഹിയിലെത്തി കോര് കമ്മിറ്റി യോഗം ചേര്ന്നിരുന്നു. രാഹുല് ഗാന്ധിയും കോണ്ഗ്രസ് അധ്യക്ഷന് മല്ലികാര്ജുന് ഖര്ഗെയുമായും നേതാക്കള് കൂടിക്കാഴ്ച നടത്തിയിരുന്നു.
Be the first to comment