കോട്ടയം : പാമ്പാടിയിൽ നിയന്ത്രണം നഷ്‌ടമായ കാർ റോഡരികിലെ മതിലിൽ ഇടിച്ച് മൂന്നു വയസ്സുകാരിയ്ക്ക് ദാരുണാന്ത്യം. മല്ലപ്പള്ളി സ്വദേശിനിയായ കീർത്തി (3) ആണ് മരിച്ചത്. അപകടത്തിൽ കാറിൽ ഉണ്ടായിരുന്ന അഞ്ചുപേർക്ക് പരിക്കേറ്റു.
കാർ ഓടിച്ച മല്ലപ്പള്ളി മാത്യു ( 68), ശോശാമ്മ മാത്യു ( 58), മെറിൻ (40), ടിനു (35), ടിയാൻ (9) എന്നിവർക്കാണ് പരിക്കേറ്റത്.ഇന്ന് വൈകുന്നേരം പാമ്പാടി കുറ്റിക്കലിൽ കുറ്റിക്കൽ സ്കൂളിനോട് ചേർന്ന് മതിലിലായിരുന്നു കാർ ഇടിച്ചത്. പാമ്പാടി ഭാഗത്തുനിന്നും എത്തിയ കാർ നിയന്ത്രണം നഷ്ടമായി റോഡിൽ തെന്നി നീങ്ങി മതിലിൽ ഇടിക്കുകയായിരുന്നു. ഇടിയുടെ ആഘാതത്തിൽ കാർ റോഡിൽ തെന്നി മറിയുകയും ചെയ്തു. അപകടത്തിൽപ്പെട്ടവരെ ആശുപത്രിയിൽ എത്തിച്ചെങ്കിലും കീർത്തയുടെ ജീവൻ രക്ഷിക്കാനായില്ല. 
Be the first to comment