വര്‍ഷങ്ങള്‍ക്ക് ശേഷം വാര്‍ത്താ സമ്മേളനം വിളിച്ച് മുതിര്‍ന്ന കോണ്‍ഗ്രസ് നേതാവ് എ കെ ആൻ്റ് ണി. വൈകീട്ട് അഞ്ച് മണിക്ക് കെപിസിസി ആസ്ഥാനത്ത് വച്ചാകും അദ്ദേഹം മാധ്യമങ്ങളെ കാണുക. പോലീസ് അതിക്രമങ്ങളെക്കുറിച്ച് നിയമസഭയില്‍ സംസാരിക്കവേ ആൻ്റ് ണിയുടെ ഭരണകാലത്തെക്കുറിച്ച് ഇന്നലെ മുഖ്യമന്ത്രി പിണറായി വിജയന്‍ സൂചിപ്പിച്ചിരുന്നു. ഇതില്‍ ആൻ്റ്ണി വിശദമായ മറുപടി പറഞ്ഞേക്കുമെന്നാണ് വിലയിരുത്തല്‍.
രാഷ്ട്രീയ പ്രവര്‍ത്തനങ്ങളില്‍ സജീവമാകാതെ ആൻ്റ്ണി ഏറെക്കാലമായി തിരുവനന്തപുരത്തെ വസിതിയില്‍ വിശ്രമജീവിതം നയിച്ച് വരികയായിരുന്നു. മകൻ്റെ ബിജെപി പ്രവേശനത്തില്‍ ഉള്‍പ്പെടെ ആൻ്റ്ണി ഇക്കാലയളവില്‍ പ്രതികരിച്ചിരുന്നെങ്കിലും അതൊന്നും മാധ്യമങ്ങളെ വാര്‍ത്താ സമ്മേളനത്തിനായി ക്ഷണിച്ചുകൊണ്ടായിരുന്നില്ല. ആൻ്റ്ണിയ്ക്കടുത്തേക്ക് മാധ്യമങ്ങളെത്തി പ്രതികരണം തേടുകയായിരുന്നു. സജീവമായ രാഷ്ട്രീയപ്രവര്‍ത്തനത്തില്‍ നിന്ന് ഇടവേളയെടുത്തിരിക്കുകയാണെങ്കിലും ആൻ്റ്ണി ദിവസവും കെപിസിസി ആസ്ഥാനം സന്ദര്‍ശിക്കുകയും നേതാക്കള്‍ക്ക് ഉപദേശങ്ങള്‍ നല്‍കുകയും ചെയ്യാറുണ്ട്.
Be the first to comment