ധ്യാന് ശ്രീനിവാസന്, ഇന്ദ്രന്സ്,അപര്ണ്ണ ദാസ് എന്നിവരെ പ്രധാന കഥാപാത്രങ്ങളാക്കി അഖില് കാവുങ്ങല് തിരക്കഥയെഴുതി സംവിധാനം ചെയ്യുന്ന ‘ഡിയര് ജോയി ‘ എന്ന ചിത്രത്തിന്റെ ഫസ്റ്റ് ലുക്ക് പോസ്റ്റര് റിലീസായി. ജോണി ആന്റണി, ബിജു സോപാനം, നിര്മ്മല് പാലാഴി, കലാഭവന് നവാസ്, മീരാ നായര് തുടങ്ങിയവരാണ് മറ്റു പ്രമുഖ താരങ്ങള്.
എക്ത പ്രൊഡക്ഷന്സിന്റെ ബാനറില് അമര് പ്രേം നിര്മ്മിക്കുന്ന ഈ ചിത്രത്തിന്റെ ഛായാഗ്രഹണം റോജോ തോമസ് നിര്വഹിക്കുന്നു. സന്ദൂപ് നാരായണന്, അരുണ് രാജ്,ഡോക്ടര് ഉണ്ണികൃഷ്ണന് വര്മ, സല്വിന് വര്ഗീസ് എന്നിവര് എഴുതിയ വരികള്ക്ക് ധനുഷ് ഹരികുമാര്,വിമല്ജിത് വിജയന് എന്നിവര് സംഗീതം പകരുന്നു. സംഗീതത്തിന് വളരെ അധികം പ്രാധാന്യമുള്ള ഈ ചിത്രത്തില് കെ. എസ്. ചിത്ര, വിനീത് ശ്രീനിവാസന്,വൈക്കം വിജയലക്ഷ്മി എന്നിവരാണ് ഗായകര്.
അഡിഷണല് സോങ്- ഡോക്ടര് വിമല് കുമാര് കാളിപുറയത്ത്, എഡിറ്റര്- രാകേഷ് അശോക, കോ പ്രൊഡ്യൂസര്- സുഷില് വാഴപ്പിള്ളി, എക്സിക്യൂട്ടീവ് പ്രൊഡ്യൂസര്-ജി കെ ശര്മ,ക്രീയേറ്റീവ് പ്രൊഡ്യൂസര്-റയീസ് സുമയ്യ റഹ്മാന്, പ്രൊഡക്ഷന് കണ്ട്രോളര്-നിജില് ദിവാകരന്,ആര്ട്ട്-മുരളി ബേപ്പൂര്, വസ്ത്രലങ്കാരം-സുകേഷ് താനൂര്,മേക്കപ്പ്-രാജീവ് അങ്കമാലി, സ്റ്റില്സ്-റിഷാദ് മുഹമ്മദ്,ഡിസൈന്- ഡാവിഞ്ചി സ്റ്റുഡിയോസ്, പ്രൊഡക്ഷന് എക്സിക്യൂട്ടീവ്-സുനില് പി സത്യനാഥ്, പി ആര് ഒ-എ എസ് ദിനേശ്.
Be the first to comment