ഈ മത്സരം തീപാറും; സ്റ്റാംഫോര്‍ഡ് ബ്രിഡ്ജില്‍ ആര് ആരെ തൂക്കും, ആര്‍സനല്‍-ചെല്‍സി മത്സരം കാത്ത് ആരാധകര്‍

ഇംഗ്ലീഷ് പ്രീമിയര്‍ ലീഗിലെ പോയിന്റ് പട്ടികയില്‍ നിലവിലെ ഒന്നും രണ്ടും സ്ഥാനക്കാര്‍, ആര്‍സനലും ചെല്‍സിയും. മാഞ്ചസ്റ്റര്‍ സിറ്റിയുടെ ഉഴപ്പില്‍ ടേബിളില്‍ മുന്നില്‍ക്കയറിയ ചെല്‍സിയെന്ന് ശത്രുക്കള്‍ പറയുമെങ്കിലും ദിവസങ്ങള്‍ക്ക് മുമ്പ് യുവേഫ ചാമ്പ്യന്‍സ് ലീഗില്‍ ബാഴ്‌സയെ തരിപ്പണമാക്കിയ ചെല്‍സിയാണിത്. പോയിന്റ് നിലയില്‍ ചെല്‍സിയേക്കാളും ഏറെ മുന്നിലാണ് ആര്‍സനല്‍.

ആറ് പോയിന്റിന്റെ അകലം പക്ഷേ സ്റ്റാംഫോര്‍ഡില്‍ ഗണ്ണേഴ്‌സിന് ആധിപത്യം നല്‍കുമോ എന്നത് കണ്ട് തന്നെ അറിയേണ്ടി വരും. എന്നാല്‍ ഇക്കഴിഞ്ഞ 23ന് ഇംഗ്ലീഷ് പ്രീമിയര്‍ ലീഗില്‍ ടോട്ടന്‍ഹാമിനെ 4-1 ന് തുരത്തിയതും നാല് ദിവസം കഴിഞ്ഞ്, 27ന് ജര്‍മ്മന്‍ കരുത്തരായ ബയേണിനെ 3-1 സ്‌കോറില്‍ മലര്‍ത്തിയടിച്ചതും ആര്‍സനല്‍ ആണെന്ന കാര്യം മറന്നുകൂടാ.

Be the first to comment

Leave a Reply

Your email address will not be published.


*