കോട്ടയത്ത് യുവതിയേയും യുവാവിനേയും ഹോട്ടൽമുറിയിൽ മരിച്ച നിലയിൽ കണ്ടെത്തി. മര്യാത്തുരുത്ത് സ്വദേശി ആസിയ (20), പുതുപ്പള്ളി സ്വദേശി നന്ദകുമാർ (22) എന്നിവരെയാണ് ഫാനിൽ തൂങ്ങിയ നിലയിൽ കണ്ടെത്തിയത്. ഇന്നലെ രാത്രിയായിരുന്നു സംഭവം.
ആസിയയും നന്ദകുമാറും പ്രണയത്തിലായിരുന്നുവെന്ന് വെസ്റ്റ് പോലീസ് കണ്ടെത്തി. ആസിയയെ കാണാനില്ലെന്ന് കുടുംബം വ്യാഴാഴ്ച ഗാന്ധിനഗർ പോലീസിൽ പരാതി നൽകിയിരുന്നു. ഹോട്ടൽ ജീവനക്കാർക്കാണ് ആദ്യം സംശയം തോന്നിയത്. മുറി തുറക്കാതിരുന്നതിനെത്തുടർന്ന് രാത്രി ഒമ്പതേകാലോടെ ജീവനക്കാർ പോലീസിനെ വിവരം അറിയിക്കുകയായിരുന്നു.
അധികം താമസിയാതെ പോലീസും അഗ്നിശമനസേനയും സ്ഥലത്തെത്തി. എസ്എച്ച്ഒ എം.ജെ.അരുണിന്റെ നേതൃത്വത്തിലുള്ള പോലീസ് എത്തിയാണ് മുറി തുറന്നത്. മുറിയിൽനിന്ന് ആത്മഹത്യക്കുറിപ്പ് ലഭിച്ചതായി പോലീസ് അറിയിച്ചു. മൃതദേഹങ്ങൾ ഇന്നു രാവിലെ മെഡിക്കൽ കോളജ് ആശുപത്രി മോർച്ചറിയിലേക്ക് മാറ്റും. പോസ്റ്റ്മോർട്ടത്തിനു ശേഷം ബന്ധുക്കൾക്ക് വിട്ടുകൊടുക്കും.
Be the first to comment