പുതിയ റോഡ് സംസ്കാരം പകര്ന്ന് നല്കാൻ സ്കൂളുകളില് ഇനി റോഡ് സേഫ്റ്റി കേഡറ്റ്സും. സ്റ്റുഡന്റ് പൊലീസ് കേഡറ്റ്സിനും എന്സിസിക്കും പിന്നാലെയാണ് റോഡ് സേഫ്റ്റി കേഡറ്റും വരുന്നത്. പദ്ധതിക്ക് അന്തിമ രൂപം നല്കാന് ഇന്ന് വിദ്യാഭ്യാസമന്ത്രിയുടെ നേതൃത്വത്തിൽ ഉന്നത തലയോഗം ചേരും. ഗതാഗതമന്ത്രിയും ഗതാഗത കമീഷണര് അടക്കമുള്ളവരും യോഗത്തില് പങ്കെടുക്കും.
സുരക്ഷാ ബോധമുള്ള യുവ തലമുറയെ വാര്ത്തെടുക്കല് ലക്ഷ്യമിട്ടാണ് റോഡ് സേഫ്റ്റി കേഡറ്റ്സിന് രൂപം നൽകുക. എസ് പിസി മാതൃകയില് യൂണിഫോം സേനയായിരിക്കും റോഡ് സേഫ്റ്റി കേഡറ്റ്സ്. വിദ്യാഭ്യാസ, ഗതാഗത വകുപ്പുകള് ചേര്ന്നാണ് പദ്ധതി നടപ്പാക്കുക. മാവേലിക്കരയിലെ ജോണ് എഫ് കെന്നഡി മെമ്മോറിയല് സ്കൂളില് പൈലറ്റ് പദ്ധതി നടപ്പാക്കിയിരുന്നു. ഇത് വിജയമെന്ന് കണ്ടതോടെയാണ് സംസ്ഥാന വ്യാപകമായി നടപ്പാക്കാന് ഉദ്ദേശിക്കുന്നത്. കുട്ടികള്ക്ക് ഗ്രേസ് മാര്ക്ക് നല്കുന്നതും പരിഗണനയിലുണ്ട്.
Be the first to comment