പഴങ്ങൾ ഉണക്കി ദീർഘകാലം ഉപയോഗിക്കാവുന്ന തരത്തിൽ സൂക്ഷിക്കുന്നതാണ് ഡ്രൈ ഫ്രൂട്സ്. മാർക്കറ്റിൽ നിന്ന് വലിയ വില കൊടുത്തു വാങ്ങുന്ന ഇവ ഊർജ്ജനില മെച്ചപ്പെടുത്തുന്നതിനും ഹൃദയാരോഗ്യത്തിനും ചർമസംരക്ഷണത്തിനുമൊക്കെ മികച്ചതാണ്. കൂടാതെ രക്തത്തിലെ പഞ്ചസാരയെ നിയന്ത്രിക്കാനും ഇത് സഹായിക്കും.
സാധാരണ പഴങ്ങളിലെന്ന പോലെ ഡ്രൈ ഫ്രൂട്സിലും ആരോഗ്യകരമായ കൊഴുപ്പും ആന്റിഓക്സിഡന്റുകളും പോഷകങ്ങളും അടങ്ങിയിട്ടുണ്ട്. മുന്തിരിയും അത്തിയും മാങ്ങയും ഈന്തപ്പഴവുമൊക്കെ ഇത്തരത്തിൽ ഡ്രൈ ഫ്രൂട്സ് ആയി സൂക്ഷിക്കുന്നുണ്ട്.
സാധാരണയായി ഡ്രൈ ഫ്രൂട്സ് വെള്ളത്തിൽ കുതിർത്താണ് കഴിക്കുന്നത്. ഇത് അവയ്ക്കുള്ളിൽ അടങ്ങിയ എൻസൈമുകളെ സജീവമാക്കുകയും ദഹനം മെച്ചപ്പെടുത്തുകയും പോഷകങ്ങളുടെ ആഗിരണം മെച്ചപ്പെടുത്തുകയും ചെയ്യുന്നു. വെള്ളത്തിൽ മാത്രമല്ല, തേനിലും ഡ്രൈ ഫ്രൂട്സ് കുതിർത്തു കഴിക്കാറുണ്ട്. ഇതിൽ പോഷകമൂല്യം കൂടുതൽ ഏത് രീതിക്കാണെന്ന് പരിശോധിക്കാം.
വെള്ളത്തിൽ കുതിർത്ത ഡ്രൈ ഫ്രൂട്സ്
പലപ്പോഴും ഡ്രൈ ഫ്രൂട്സ് വെള്ളത്തിൽ രാത്രി മുഴുവൻ മുക്കിവയ്ക്കാറുണ്ട്. നട്സും വിത്തുകളും കുതിർക്കുന്നത്, അവയില് നിന്നും എൻസൈം ഇൻഹിബിറ്ററുകളും ഫൈറ്റിക് ആസിഡും നീക്കം ചെയ്യുന്നുവെന്ന് ആയുർവേദം പഠിപ്പിക്കുന്നു, അല്ലാത്തപക്ഷം ഇത് ദഹനത്തെ തടയുകയും പോഷക ആഗിരണം തടസ്സപ്പെടുത്തുകയും ചെയ്യും. ഒരിക്കൽ കുതിർത്താൽ പോഷകങ്ങൾ ശരീരത്തിന് സ്വാംശീകരിക്കാൻ എളുപ്പമാകും.
കൂടാതെ, ഡ്രൈ ഫ്രൂട്സ് കുതിർക്കുന്നത് ഇരുമ്പ്, മഗ്നീഷ്യം, സിങ്ക് തുടങ്ങിയ ധാതുക്കളുടെ പോഷക ജൈവ ലഭ്യത വർദ്ധിപ്പിക്കാൻ സഹായിക്കുന്നു. കൂടാതെ, കുതിർക്കുന്നത് ശരീരത്തിൽ നിന്ന് വിഷവസ്തുക്കളെ പുറന്തള്ളാനും തിളങ്ങുന്ന ചർമ്മത്തിനും മുടി വളർച്ചയ്ക്കും സഹായിക്കുന്നു.
തേനിൽ കുതിർത്ത ഡ്രൈ ഫ്രൂട്സ്
അസംസ്കൃത തേനിൽ കുതിർക്കുമ്പോൾ, അത് അവയെ കൂടുതൽ രുചികരമാക്കുക മാത്രമല്ല, അവയുടെ ആരോഗ്യ ഗുണങ്ങൾ വർധിപ്പിക്കുകയും ചെയ്യുന്നു. തേൻ ഒരു പ്രകൃതിദത്ത സംരക്ഷണമായി പ്രവർത്തിക്കുകയും ഉണങ്ങിയ പഴങ്ങളുടെ ഔഷധ ഗുണങ്ങൾ വർധിപ്പിക്കുകയും ചെയ്യുന്നുവെന്ന് കണ്ടെത്തിയിട്ടുണ്ട്.
ആന്റി ഓക്സിഡന്റുകളുടെയും ആന്റി ബാക്ടീരിയൽ ഗുണങ്ങളുടെയും കൂടിച്ചേരലാണ് ഇവിടെ നടക്കുന്നത്. വെള്ളത്തിൽ കുതിർത്ത ഡ്രൈ ഫ്രൂട്സിൽ കാലറി കുറവാണ്, അതേസമയം തേനിൽ കുതിർത്തവയിൽ കലോറി വളരെ കൂടുതലാണ്. അതിനാല് ഭാരം കുറയ്ക്കാന് നോക്കുന്ന ആളുകള് സ്ഥിരമായി തേനില് കുതിര്ത്ത് കഴിക്കാതിരിക്കുന്നതാണ് നല്ലത്.
Be the first to comment