ഇന്ത്യ യുഎസ് കരാർ രാജ്യത്തിന്റെ പരമാധികാരത്തെ ചോദ്യം ചെയ്യുന്നുവെന്ന് എ എ റഹീം എം പി. കരാർ കർഷകരെ ആത്മഹത്യയിലേക്ക് തള്ളിവിടുന്നു. കർഷകർക്ക് അമേരിക്കൻ വിപണിയോട് പിടിച്ചു നിൽക്കാതെ വരും.
കരാറിൽ ഇതുവരെ വ്യക്തത വരുത്താൻ കേന്ദ്രം തയ്യാറായിട്ടില്ല. കരാറിൽ ഇന്ത്യൻ എംപിമാരേക്കാൾ വ്യക്തത അമരിക്കൻ നേതാക്കൾക്ക്. പാർലമെന്റിലെ എം പി മാരുടെ സസ്പെൻഷനോട് സി പി ഐ എമ്മിന് എല്ലാ കാലവും എതിർപ്പെന്നും അദ്ദേഹം വ്യക്തമാക്കി.
ഇന്ത്യ യുഎസ് വ്യാപാര കരാർ സഭ നിർത്തിവെച്ച് ചർച്ച ചെയ്യണമെന്ന് ആവശ്യപ്പെട്ട് ജോൺ ബ്രിട്ടാസ് എം പി രാജ്യസഭയിൽ നോട്ടീസ് നൽകി. ചട്ടം 267 പ്രകാരം സഭാ നടപടികൾ നിർത്തിവച്ച് ചർച്ച ചെയ്യണമെന്നാണ് ഡോ ജോൺ ബ്രിട്ടാസ് എം പി ആവശ്യപ്പെട്ടിരിക്കുന്നത്.
കരാറിനെ കുറിച്ച് കേന്ദ്രസർക്കാർ ഒന്നും തന്നെ വെളിപ്പെടുത്തിയിട്ടില്ല. കരാറിൽ അവ്യക്തതയുള്ളത് ആശങ്കാജനകമാണെന്നും അദ്ദേഹം പറഞ്ഞു. പാർലമെന്റ് അറിയിക്കുന്നതിന് മുൻപ് ട്രംപ് പ്രഖ്യാപനം നടത്തിയത് ആശങ്കയുണ്ടാക്കുന്നതാണെന്നും അദ്ദേഹം കൂട്ടിച്ചേർത്തു.
Be the first to comment