കസ്റ്റഡി മര്ദന ആരോപണം നേരിട്ട ആലപ്പുഴ ഡി വൈ എസ് പി മധുബാബുവിനെ ക്രമസമാധാന ചുമതലയില് നിന്നും മാറ്റി. ജില്ലാ സ്പെഷല് ബ്രാഞ്ചിലേക്കാണ് മാറ്റിയത്. ഡിവൈഎഫ്ഐ നേതാവ് അടക്കം മധുബാബുവിനെതിരെ കസ്റ്റഡി മര്ദ്ദന ആരോപണം ഉന്നയിച്ചിരുന്നു. ഇതേത്തുടര്ന്നാണ് സ്ഥലംമാറ്റം. ബിജു വി നായര് ആലപ്പുഴ ഡിവൈഎസ്പിയാകും.
കാല്വെള്ളയില് ചൂരല്കൊണ്ട് അടിച്ചുപൊട്ടിച്ച ശേഷം കുരുമുളക് സ്പ്രേ അടിച്ചുവെന്നും ജയകൃഷ്ണൻ ആരോപിച്ചിരുന്നു. ഹർജിയിൽ ഹൈക്കോടതി സർക്കാരിനോട് വിശദീകരണം തേടിയിരുന്നു. ഇതിനുപിന്നാലെ പത്തനംതിട്ട, ഇടുക്കി ജില്ലകളില് നിന്നും ഇയാള്ക്കെതിരെ പരാതി ഉയര്ന്നിരുന്നു. നിരവധി കേസുകളില് ഉള്പ്പെടുത്തിയെന്നും ക്രൂരമായി മര്ദിച്ചെന്നുമുള്ള പരാതിയുമായി പത്തനംതിട്ട സ്വദേശി വിജയന് ആചാരിയും രംഗത്തെത്തിയിരുന്നു.
Be the first to comment