തിരുവനന്തപുരം: രാഹുല് മാങ്കൂട്ടത്തിലിനെതിരായ കേസിലെ അതിജീവിതയെ സാമൂഹികമാധ്യമത്തില് അപമാനിച്ച കേസില് കോണ്ഗ്രസ് നേതാക്കളായ സന്ദീപ് വാര്യർ, രജിതാ പുളിയ്ക്കല് എന്നിവരുടെ മുന്കൂര്ജാമ്യ ഹര്ജി പരിഗണിക്കുന്നത് ഡിസംബര് 10-ലേക്ക് മാറ്റി.
കോടതി കേസ് പരിഗണിച്ചപ്പോള് പൊലീസ് റിപ്പോര്ട്ട് പ്രോസിക്യൂഷന് ഹാജരാക്കാത്തതിനാലാണ് കേസ് പരിഗണിക്കുന്നത് മാറ്റിയത്. തിരുവനന്തപുരം ജില്ലാ പ്രിന്സിപ്പല് സെഷന്സ് കോടതിയാണ് കേസ് പരിഗണിക്കുന്നത്.
അതിജീവിതയെ പൊതുസമൂഹത്തിനു പരിചയപ്പെടുത്തല്, സ്ത്രീത്വത്തെ അപമാനിക്കല്, ഭീഷണിപ്പെടുത്തല് എന്നീ വകുപ്പുകള് ചേര്ത്താണ് പൊലീസ് കേസെടുത്തത്. ഇതേ കേസില് അഞ്ചാം പ്രതി രാഹുല് ഈശ്വറിന്റെ ജാമ്യഹര്ജി കഴിഞ്ഞ ശനിയാഴ്ച അഡീഷണല് ചീഫ് ജുഡീഷ്യല് മജിസ്ട്രേറ്റ് കോടതി തള്ളിയിരുന്നു.
Be the first to comment