അതിരമ്പുഴ: അതിരമ്പുഴ സെന്റ് മേരിസ് ഫൊറോന പള്ളിയിൽ വിശുദ്ധ സെബസ്ത്യാനോസിന്റെ തിരുനാളിന് നാളെ കൊടിയേറും. രാവിലെ 5.45 ന്റെ കുർബാനയ്ക്ക് ശേഷം വികാരി ഫാ. മാത്യു പടിഞ്ഞാറേക്കുറ്റ് കൊടിയേറ്റ് കർമം നിർവഹിക്കും.
ആത്മീയ പിതാവ് ഫാ. ഏബ്രാഹം കാടാത്തുകളം, അസിസ്റ്റൻ്റ് വികാരിമാരായ ഫാ. അനീഷ് കാമിച്ചേരി, ഫാ. ടോണി മണക്കുന്നേൽ, ഫാ. അലൻ മാലിത്തറ എന്നിവർ തിരുക്കർമങ്ങൾക്ക് നേതൃത്വം നൽകും.
തുടർന്ന് 4 മണിക്ക് പ്രസുദേന്തി വാഴ്ചയും വിശുദ്ധ കുർബാനയും പ്രദക്ഷിണവും നടക്കും. വൈകുന്നേരം 6 മണിക്ക് വേദഗിരി സ്പിന്നിങ് മില്ലിൽ നിന്നുള്ള കഴുന്ന് പ്രദക്ഷിണവും തുടർന്ന് വലിയപള്ളിയിൽ ലദീഞ്ഞും നടക്കും.
Be the first to comment