പത്തനംതിട്ട: സംസ്ഥാനത്ത് വീണ്ടും പേ വിഷബാധയേറ്റ് മരണം. 65 കാരിയായ പത്തനംതിട്ട സ്വദേശിനി കളര്നില്ക്കുന്നതില് കൃഷ്ണമ്മയാണ് മരിച്ചത്. കോട്ടയം മെഡിക്കല് കോളജില് ചികിത്സയിലിരിക്കെയാണ് അന്ത്യം.
കഴിഞ്ഞ മാസം നാലാം തീയതിയാണ് കൃഷ്ണമ്മയെ തെരുവ് നായ കടിച്ചത്. തുടര്ന്ന് പത്തനംതിട്ട ജനറല് ആശുപത്രിയില് നിന്നും പ്രതിരോധ വാക്സിന് സ്വീകരിക്കുകയും ചെയ്തിരുന്നു. കൃഷ്ണമ്മയെ കടിച്ച നായയെ പിന്നീട് ചത്തനിലയില് കണ്ടെത്തിയിരുന്നു.
സംസ്ഥാനത്ത് ഈ വര്ഷം ജൂലൈ വരെ ഏഴ് മാസത്തിനുള്ളില് കേരളത്തില് പേവിഷബാധ മൂലം 23 പേര് മരിച്ചതായ കണക്കുകള്. സര്ക്കാര് ഹൈക്കോടതിയില് സമര്പ്പിച്ച കണക്കിലാണ് ഇക്കാര്യം ചൂണ്ടിക്കാട്ടുന്നത്. പേവിഷബാധ മൂലമുള്ള മരണങ്ങളില് പോയ വര്ഷത്തേക്കാള് വലിയ വര്ധനവ് ഉണ്ടെന്ന സര്ക്കാര് കണക്കുകള് തന്നെ ചൂണ്ടിക്കാട്ടുന്നതിനിടെയാണ് വീണ്ടും മരണം റിപ്പോര്ട്ട് ചെയ്തിരിക്കുന്നത്.
Be the first to comment