നിയമസഭാ തെരഞ്ഞെടുപ്പില് എംപിമാര് മത്സരിക്കേണ്ടതില്ലെന്ന് കോണ്ഗ്രസ് തെരഞ്ഞെടുപ്പ് സമിതിയില് ഭൂരിപക്ഷ അഭിപ്രായം. ആരും സ്ഥാനാര്ഥിത്വം സ്വയം പ്രഖ്യാപിക്കേണ്ടതില്ലെന്നും മുതിര്ന്ന നേതാക്കള് യോഗത്തില് അറിയിച്ചു.
സിറ്റിങ് സീറ്റുകളില് നിലവിലെ എംഎല്എമാര് തന്നെ തുടരണമോയെന്ന കാര്യവും മറ്റ് മണ്ഡലങ്ങളിലെ സ്ഥാനാര്ഥികളെ കുറിച്ചോ ഇന്നത്തെ യോഗം ചര്ച്ച ചെയ്തില്ല. പ്രധാനമായും തെരഞ്ഞെടുപ്പ് പ്രചാരണം, ഗൃഹസന്ദര്ശനം തുടങ്ങിയ വിഷയങ്ങളാണ് ചര്ച്ച ചെയ്തത്. എംപിമാര് മത്സരിക്കേണ്ടതില്ലെന്ന ഭൂരിപക്ഷ അഭിപ്രായം ഉണ്ടായത്. എന്നാല് ഇതൊരു അന്തിമതീരുമാനമല്ല.
പതിവുരീതിയില് നിന്ന് ഇക്കുറി സ്വയം സ്ഥാനാര്ഥിത്വം പ്രഖ്യാപിക്കുന്ന സാഹചര്യമുണ്ടാകരുതെന്ന് നേതാക്കള് യോഗത്തില് മുന്നറിയിപ്പ് നല്കി. സ്ഥാനാര്ഥിത്വം പാര്ട്ടി തന്നെ പ്രഖ്യാപിക്കും. സ്ഥാനാര്ഥി നിര്ണയവുമായി ബന്ധപ്പെട്ട പേരുകള് തെരഞ്ഞടുപ്പ് സമിതി അംഗങ്ങള്ക്ക് ശുപാര്ശ ചെയ്യാം. കെപിസിസി അധ്യക്ഷനും പ്രതിപക്ഷ നേതാവിനും പേര് സമര്പ്പിച്ചാല് അത് പാനലാക്കി തുടര്ചര്ച്ചകളിലേക്ക് പോകാമെന്നും നേതാക്കള് പറഞ്ഞു.
തെരഞ്ഞെടുപ്പ് സമിതി യോഗം വ്യാഴാഴ്ച വരെ നീണ്ടു നില്ക്കും. സ്ഥാനാര്ത്ഥി നിര്ണയത്തില് അഭിപ്രായം അറിയാന് ജില്ലകളിലെ കോര് കമ്മിറ്റി അംഗങ്ങള് ഉള്പ്പെടെയുള്ളവരില് നിന്നും ജില്ല തിരിച്ച് നേതൃത്വം കൂടിക്കാഴ്ച നടത്തും. സജീവമായി നടക്കുന്നുണ്ട്.
Be the first to comment