ഏറ്റുമാനൂർ: ഏറ്റുമാനൂർ മഹാദേവ ക്ഷേത്ര ഉത്സവത്തിനുള്ള കൊടിക്കൂറ, കൊടിക്കയർ സമർപ്പണം ഫെബ്രുവരി 14-ന് നടക്കും.
14-ന് ഉച്ചകഴിഞ്ഞ് മൂന്നിന് ചെങ്ങളം വടക്കത്ത് ഇല്ലത്ത് ഗണപതി നമ്പൂതിരിയുടെ പക്കൽ നിന്നും ദേവസ്വം അഡ്മിനിസ്ട്രേറ്റീവ് ഓഫീസർ എസ് അഭിലാഷ്, ക്ഷേത്ര ഉപദേശക സമിതിപ്രസിഡൻറ് പി കെ രാജൻ,വഴിപാടുകാരൻ രാജേഷ് നാഗവള്ളി എന്നിവർ ചേർന്ന് കൊടിക്കൂറ ഏറ്റുവാങ്ങും.
തുടർന്ന് രഥഘോഷയാത്രയായി വിവിധ ക്ഷേത്രങ്ങളിലെ സ്വീകരണങ്ങൾ ഏറ്റുവാങ്ങി വൈകിട്ട് 7. 45 ന് മഹാദേവക്ഷേത്ര സന്നിധിയിൽ എത്തിച്ചേരും.
കൊടിമരച്ചുവട്ടിൽ മന്ത്രി വി എൻ വാസവൻ കൊടിക്കൂറ ഏറ്റുവാങ്ങും. 18-ന് ഏറ്റുമാനൂർ ഉത്സവത്തിന് കൊടിയേറും,25-നാണ് ചരിത്രപ്രസിദ്ധമായ ഏഴരപ്പൊന്നാന ദർശനവും വലിയ കാണിക്കകയും.27-ന് ആറാട്ടോടുകൂടി ഉത്സവം സമാപിക്കും.
പത്രസമ്മേളനത്തിൽ ദേവസ്വം അഡ്മിനിസ്ട്രേറ്റീവ് ഓഫീസർ എസ് അഭിലാഷ്,ക്ഷേത്ര ഉപദേശക സമിതി പ്രസിഡൻറ് പി കെ രാജൻ,സെക്രട്ടറി മഹേഷ് രാഘവൻ,പ്രോഗ്രാം കോഓർഡിനേറ്റർ കെ എൻ ശ്രീകുമാർ,സമിതി വൈസ് പ്രസിഡൻറ് കെ എൻ ഭൂവനേന്ദ്രൻ,അംഗങ്ങളായ ടി എസ് സനീഷ്,എൻ എസ് സുനീന്ദ്രൻ എന്നിവർ പങ്കെടുത്തു.
Be the first to comment