മദ്യപാനം കാരണമല്ലാതെയുണ്ടാകുന്ന ഫാറ്റി ലിവറിന് അമിത വണ്ണം, ടൈപ്പ് 2 പ്രമേഹം, ഉയര്ന്ന കൊളസ്ട്രോള്, ഇന്സുലിന് റെസിസ്റ്റന്സ് തുടങ്ങി ഒട്ടേറെ കാരണങ്ങളുണ്ട്. ജീവിതശൈലിയിലെ പ്രശ്നങ്ങള് പരിഹരിച്ചും ഭക്ഷണം ശ്രദ്ധിച്ചും ഫാറ്റി ലിവറില് നിന്ന് നമ്മുക്ക് രക്ഷപ്പെടാം. ഫാറ്റി ലിവര് ഉണ്ടാകാതിരിക്കാന് കഴിക്കേണ്ടതും ഡയറ്റില് നിന്ന് ഒഴിവാക്കേണ്ടതുമായ ഭക്ഷണപദാര്ഥങ്ങള് ഏതെല്ലാമെന്ന് പരിശോധിക്കാം.
ഡയറ്റില് ഇവ ഉള്പ്പെടുത്താം
കോഫി
പഞ്ചസാരയോ പാലോ ഉപയോഗിക്കാതെ കാപ്പി കുടിക്കുന്നത് അബ്നോര്മല് ലിവര് എന്സൈംസ് കുറയ്ക്കാന് സഹായിക്കുമെന്നും ഇതുവഴി കരളിന്റെ ആരോഗ്യത്തിന് സഹായകരമാകുമെന്നും പഠനങ്ങള് പറയുന്നു.
ഇലക്കറികള്
ഇലക്കറികള് പ്രത്യേകിച്ച് അവ അധികം പാകം ചെയ്യാതെ കഴിക്കുന്നത് കരള് രോഗങ്ങള് ഇല്ലാതാക്കാന് സഹായിക്കുന്നു.
മത്സ്യങ്ങള്
ചൂര, ചാള തുടങ്ങി ഒമേഗ 3 ഫാറ്റി ആസിഡ് അടങ്ങിയ മീനുകള് കഴിക്കുന്നത് ലിവര് ഫാറ്റ് കുറയ്ക്കാന് സഹായിക്കുന്നതായി പഠനങ്ങള് തെളിയിക്കുന്നു.
ഒഴിവാക്കേണ്ടവ
കോള പോലുള്ള പാനീയങ്ങള്
അമിതമായി മധുരം അടങ്ങി ഇത്തരം പാനീയങ്ങള് ഡയറ്റില് നിന്ന് പൂര്ണമായി ഒഴിവാക്കണം.
ചോറ് അമിതമായി വേണ്ട
ചോറ് പോലുള്ളവ അമിതമായി കഴിക്കുന്നത് ലിവര് ഫാറ്റ് വര്ധിപ്പിക്കും
പ്രൊസസ്ഡ് ഭക്ഷണങ്ങള്
പ്രൊസസ്ഡ് ഭക്ഷണങ്ങള് ലിവര് ഫാറ്റ് വര്ധിപ്പിക്കുകയും കരളിന്റെ ആരോഗ്യത്തെ നശിപ്പിക്കുകയും ചെയ്യും
ഉപ്പ്
ഉപ്പിന്റെ ഉപയോഗം കൂടാതെ ശ്രദ്ധിക്കുക. ഒരു ദിവസം 2300 മില്ലി ഗ്രാമില് കൂടുതല് സോഡിയം ശരീരത്തിലെത്താത്തതാണ് കരളിന്റെ ആരോഗ്യത്തിന് നല്ലത്.
Be the first to comment