ജിമെയിൽ ഉടൻ തന്നെ പ്രവർത്തനം നിർത്തുന്നുവെന്ന് പ്രചരണത്തിന് മറുപടിയുമായി രംഗത്തെത്തിയിരിക്കുകയാണ് ഗൂഗിള്‍. തങ്ങളുടെ ജനപ്രിയ ഇമെയിൽ സേവനമായ ജിമെയിൽ അടച്ചുപൂട്ടുന്നില്ലെന്ന് ഗൂഗിൾ തന്നെ വ്യക്തമാക്കി.
ലോകമെമ്പാടുമുള്ള ആളുകൾ ഉപയോഗിക്കുന്ന ജിമെയിൽ അതിൻ്റെ യാത്ര അവസാനിപ്പിക്കുകയാണ് എന്നായിരുന്നു പ്രചരണം. 2024 ഓഗസ്റ്റ് 1 മുതൽ ജി മെയിൽ ഔദ്യോഗികമായി സേവനം അവസാനിപ്പിക്കും. ഇനി മുതൽ ഇമെയിലുകൾ അയയ്‌ക്കുന്നതിനോ സ്വീകരിക്കുന്നതിനോ സാധിക്കില്ലെന്നും സോഷ്യൽ മീഡിയയിൽ പ്രചരണമുണ്ടായിരുന്നു. ഇതിന് വിരാമം ഇട്ട് കൊണ്ടാണ് ഗൂഗിള്‍ തന്നെ വിശദീകരണവുമായി രംഗത്ത് എത്തിയത്.
എന്നാൽ ജിമെയിൽ അതിൻ്റെ എച്ച്ടിഎംഎൽ വേർഷൻ നിർത്തുന്നു എന്നും അറിയിച്ചു. ‘google is here to stay’ എന്ന അടികുറിപ്പോടെയാണ് ഗൂഗിൽ സത്യവസ്ഥ പങ്കുവെച്ചത്.
Be the first to comment