പുതിയ ഫീച്ചർ അവതരിപ്പിച്ച് ഗൂഗിൾ മാപ്സ്. ഇനി വഴി മാത്രമായിരിക്കില്ല ഗൂഗിൾ മാപ്സ് പറഞ്ഞുതരുക. ട്രാഫിക്കിൽ കുടങ്ങാതെ എപ്പോൾ ഇറങ്ങണം എന്നും കൂടി ഗൂഗിൾ മാപ്സ് പറഞ്ഞുതരും. തിരക്ക് പിടിച്ച യാത്രകളിൽ കൃ‍ത്യ സമയത്ത് എത്തുകയെന്നതാണ് യാത്രക്കാർ നേരിടുന്ന വെല്ലുവിളി. ഇതിന് ഒരു പരിഹാരം എന്ന രീതിയിലാണ് ഗൂഗിളിന്റെ പുതിയ ഫീച്ചർ എത്തിയിരിക്കുന്നത്.
‘Set depart or arrive time’ എന്ന ഫീച്ചർ ആണ് യാത്രക്കാർക്ക് ആശ്വാസമായി എത്തിയിരിക്കുന്നത്. അതായത് ഒരു തിരക്കേറിയ സ്ഥലത്തെ റിയൽ ടൈം ട്രാഫികും അടുത്ത ദിവസങ്ങളിലെ ട്രാഫിക് വിവരങ്ങളും വിശകലനം ചെയ്താണ് ഈ ഫീച്ചർ പ്രവർത്തിക്കുന്നത്. ദിവസവും സമയവും അനുസരിച്ച് ഏറ്റവും കുറഞ്ഞ യാത്രാ സമയം ഗൂഗിൾ മാപ്സ് നിർദേശിക്കുകയാണ് ചെയ്യുന്നത്. ട്രാഫിക് കുരുക്കുള്ള സ്ഥലങ്ങളെ സൂചിപ്പിക്കുന്ന ഫീച്ചർ നേരത്തെ മുതൽ ഗൂഗിൾ മാപ്സിൽ ഉണ്ട്.
ദൈനംദിന യാത്രകൾക്കും മറ്റ് സമയബന്ധിതമായ യാത്രകൾക്കും ഈ സവിശേഷത ഉപയോഗപ്രദമാകും. തിരക്ക് ഒഴിവാക്കാനും യാത്രകൾ കൂടുതൽ ഫലപ്രദമായി ആസൂത്രണം ചെയ്യാനും ഇത് ഉപയോക്താക്കളെ സഹായിക്കുന്നു. ഐഫോണിലും ആൻഡ്രോയിഡിലും ഈ ഗൂഗിൾ മാപ്സ് ഫീച്ചർ ഉപയോഗിക്കുന്നത് എങ്ങനെയെന്ന് ചുവടെ.
- ഗൂഗിൾ മാപ്സ് തുറന്ന് നിങ്ങളുടെ ലക്ഷ്യസ്ഥാനം നൽകുക
- ലഭ്യമായ റൂട്ടുകൾ കാണുന്നതിനും നിങ്ങളുടെ യാത്രാ മോഡ് തിരഞ്ഞെടുക്കുന്നതിനും ദിശകൾ തിരഞ്ഞെടുക്കുക.
- സ്‌ക്രീനിന്റെ മുകളിൽ വലത് കോണിലുള്ള മൂന്ന്-ഡോട്ട് ഐക്കണിൽ ടാപ്പ് ചെയ്യുക.
- Set depart or arrive time തിരഞ്ഞെടുക്കുക
- അനുയോജ്യമായ തീയതിയും സമയവും തിരഞ്ഞെടുക്കുക
Be the first to comment