കോട്ടയം: റബര് വിലയിടിവില് സര്ക്കാര്-കോര്പ്പറേറ്റ് – റബര് ബോര്ഡ് ഒത്തുകളിക്കെതിരെ കത്തോലിക്ക കോണ്ഗ്രസ് ഗ്ലോബല് സമിതിയുടെ ആഭിമുഖ്യത്തില് ആരംഭിക്കുന്ന സമര പരിപാടികളുടെ തുടക്കമായി, കോട്ടയത്ത് ‘റബര് കര്ഷക കണ്ണീര് ജ്വാല’ എന്ന പേരില് വമ്പിച്ച റബര് കര്ഷക പ്രതിഷേധ സമരം സംഘടിപ്പിച്ചു. കത്തോലിക്ക കോണ്ഗ്രസ് ഗ്ലോബല് പ്രസിഡന്റ് പ്രഫ. രാജീവ് കൊച്ചുപറമ്പില് ഉദ്ഘാടനം ചെയ്തു.
വോട്ടിലൂടെ പ്രതികരിക്കാന് കര്ഷക കുടുംബങ്ങള്ക്ക് മടിയില്ലെന്നും കര്ഷക വിരുദ്ധ നടപടികള്ക്കെതിരെ ശക്തമായ സമര പരിപാടികളുമായി മുന്നിട്ടിറങ്ങുമെന്നും കണ്ണീര് ജ്വാല’ ഉദ്ഘാടനം ചെയ്ത് പ്രഫ. രാജീവ് കൊച്ചുപറമ്പില് പറഞ്ഞു.
തിരഞ്ഞെടുപ്പ് സമയത്ത് വില ഉയര്ത്തി പിന്നീട് വിലയിടിച്ച് കര്ഷകരെ വഞ്ചിക്കുന്ന രാഷ്ട്രീയ പാര്ട്ടികളുടെ തന്ത്രങ്ങള് കര്ഷകര് തിരിച്ചറിയുന്നുണ്ടെന്നും അദ്ദേഹം കൂട്ടിച്ചേര്ത്തു.
ഇറക്കുമതി മാനദണ്ഡങ്ങള് പുതുക്കാന് കേന്ദ്ര സര്ക്കാര് തയാറാകുകയും ഇറക്കുമതിയ്ക്ക് കുറഞ്ഞ ഇറക്കുമതി തുക പ്രഖ്യാപിക്കുകയും വേണം, ആഭ്യന്തര റബര് സംരഭങ്ങള്ക്ക് പ്രത്യേക പദ്ധതി പ്രഖ്യാപിക്കണം, റബറിനെ കാര്ഷിക വിളയായി പ്രഖ്യാപിക്കാന് അടിയന്തിര നടപടികള് സ്വീകരി ക്കണം, റബറിന് 250 രൂപ പ്രകടന പത്രികയില് ഉറപ്പുനല്കി അധികാരത്തിലേറിയ സംസ്ഥാന സര്ക്കാര് വാഗ്ദാനം പാലി ക്കണം തുടങ്ങിയ ആവശ്യങ്ങള് പ്രതിഷേധ സമ്മേളനം മുന്നോട്ടുവച്ചു.
മാര്ക്കറ്റ് വിലയിരുത്തി കര്ഷകര്ക്ക് വേണ്ട നിര്ദ്ദേശം കൊടുക്കുകയും കര്ഷകന് റബറിന് ന്യായവില ലഭ്യമാക്കാനും കൃഷി പ്രോത്സാഹിപ്പിക്കാനും പ്രവര്ത്തിക്കേണ്ട റബര് ബോര്ഡ് നിഷ്ക്രിയമായി നിലകൊള്ളുകയാണെന്നും സമ്മേളനം ചൂണ്ടിക്കാട്ടി.കോട്ടയം കളക്ടറേറ്റ് പടിക്കല് നിന്ന് ആരംഭിച്ച പ്രതിഷേധ റാലി ലൂര്ദ് ഫൊറോന വികാരി റവ. ഡോ. ഫിലിപ്പ് നെല്പൂര പറമ്പില് ഫ്ളാഗ് ഓഫ് ചെയ്തു. തുടര്ന്ന് റബര് ബോര്ഡ് പടിക്കല് എത്തിചേര്ന്ന് ‘പ്രതിഷേധ ജ്വാല’ തെളിയിച്ചു.
കത്തോലിക്ക കോണ്ഗ്രസ് ഡയറക്ടര് റവ. ഡോ. ഫിലിപ്പ് കവിയില്, ജനറല് സെക്രട്ടറി ഡോ. ജോസ്കുട്ടി ഒഴുകയില്, ഡോ. കെ.എം ഫ്രാന്സിസ്, രാജേഷ് ജോണ്, രൂപതാ ഡയറക്ടര്മാരായ റവ. ഡോ. ജോര്ജ്ജ് വര്ഗീസ് ഞാറക്കുന്നേല്, റവ. ഡോ. മാത്യൂ പാലക്കുടി, ഭാരവാഹികളായ ബിജു സെബാസ്റ്റ്യന്, ഇമ്മാനുവല് നിധീരി, ബേബി കണ്ടത്തില്, തമ്പി എരുമേലിക്കര, ജോസ് വട്ടുകുളം, ബിനു ഡൊമിനിക്, ബെന്നി ആന്റണി, ട്രീസ ലിസ് സെബാസ്റ്റ്യന്, ആന്സമ്മ സാബു, ജേക്കബ് നിക്കോളാസ്, പിയൂസ് പറേടം, ജോര്ജുകുട്ടി പുന്നക്കുഴി, അഡ്വ. ജോണ്സണ് വീട്ടിയാങ്കല്, അഡ്വ. മനു വരാപ്പള്ളി, ബിജു ഡൊമിനിക്, രാജീവ് തോമസ് എന്നിവര് നേതൃത്വം നല്കി.
കോട്ടയം: തിരുവാതുക്കലില് വീട്ടില് നിന്ന് 48 മൂര്ഖന് പാമ്പുകളെ പിടികൂടി. അധ്യാപികയുടെ വീട്ടില് നിന്നാണ് മൂര്ഖന് പാമ്പിനെയും 47 കുഞ്ഞുങ്ങളെയും പിടികൂടിയത്. കോട്ടയം വേളൂർ കൃഷ്ണ ഗീതത്തിൽ രാധാകൃഷ്ണൻ നായരുടെ വീട്ടുമുറ്റത്തുനിന്നാണ് വനം വകുപ്പിന്റെ സർപ്പ സ്നേക് റസ്ക്യൂ ടീം പാമ്പിനെ പിടികൂടിയത്. ഞായറാഴ്ച രാവിലെയാണ് വീട്ടുമുറ്റത്ത് പാമ്പിൻ […]
കോട്ടയം: കോട്ടയം സോഷ്യല് സര്വ്വീസ് സൊസൈറ്റിയുടെ നേതൃത്വത്തില് നേഴ്സിംഗ് വിദ്യാര്ത്ഥികള്ക്കായി സാമൂഹ്യ അവബോധ പഠന ശിബിരം നടത്തി. എരുമേലി അസീസി കോളേജ് ഓഫ് നേഴ്സിംഗുമായി സഹകരിച്ചുകൊണ്ട് തെള്ളകം ചൈതന്യയില് സംഘടിപ്പിച്ച പഠന ശിബിരത്തിന്റെ ഉദ്ഘാടനം അതിരമ്പുഴ ഗ്രാമപഞ്ചായത്ത് പ്രസിഡന്റ് ജോസ് ജോസഫ് അമ്പലക്കുളം നിര്വഹിച്ചു. കേരള സോഷ്യല് സര്വ്വീസ് ഫോറം […]
ഏറ്റുമാനൂർ • ശുദ്ധമായ പാൽ ഉറപ്പു വരുത്താനും ക്ഷീരമേഖലയെ സംരക്ഷിക്കാനും ഡെയറി ഫാമുകൾ പ്രോത്സാഹിപ്പിക്കണമെന്നു കേന്ദ്രമന്ത്രി ജോർജ് കുര്യൻ പറഞ്ഞു. ജന്മനാട്ടിൽ പൗരസമിതി നൽകിയ സ്വീകരണത്തിനു മറുപടി പറയുകയായിരുന്നു അദ്ദേഹം. ക്ഷീരമേഖലയെ അഭിവൃദ്ധിപ്പെടുത്താൻ കേന്ദ്ര സർക്കാർ പ്രത്യേക പദ്ധതികൾ തയാറാക്കിയിട്ടുണ്ട്. പദ്ധതിക്ക് 60% ഫണ്ട് കേന്ദ്ര സർക്കാർ സംസ്ഥാന […]
Be the first to comment