ഓപ്പേറന് നംഖോറിന്റെ ഭാഗമായി കസ്റ്റംസ് പിടിച്ചെടുത്ത ദുല്ഖര് സല്മാന്റെ ലാന്ഡ് റോവര് ഡിഫന്ഡര് വാഹനം വിട്ടുനൽകും. വാഹനം കേരളത്തിന് പുറത്ത് കൊണ്ടുപോകരുതെന്നാണ് നിര്ദേശം. ഹൈക്കോടതി ഇടപെടലിനെ തുടര്ന്നാണ് തീരുമാനം. ബാങ്ക് ഗ്യാരണ്ടിയോടെയാണ് വാഹനം വിട്ടു നല്കുക. ലാന്ഡ് റോവര് ഡിഫന്ഡര് വാഹനം കൂടാതെ തൃശൂരില് നിന്ന് പിടിച്ചെടുത്ത മറ്റൊരു വാഹനം വിട്ടു നല്കാനും തീരുമാനമായി.
രേഖകള് പരിശോധിക്കാതെയാണ് കസ്റ്റംസ് വാഹനം പിടിച്ചെടുത്തതെന്നും വാഹനം താല്ക്കാലികമായി വിട്ടുനല്കണമെന്നുമായിരുന്നു ദുല്ഖറിന്റെ വാദം. വാഹനത്തിന്റെ മൂല്യത്തിന് തുല്യമായ തുക ബാങ്ക് ഗ്യാരന്റിയായി നല്കാമെന്ന് ഹൈക്കോടതിയെ ദുല്ഖര് സല്മാന് അറിയിച്ചിരുന്നു. എന്നാല്, കസ്റ്റംസ് ഡ്യുട്ടി അടയ്ക്കാതെ വിദേശത്തുനിന്ന് കള്ളക്കടത്തായി കൊണ്ടുവന്നതെന്ന സംശയത്തെ തുടര്ന്നാണ് വാഹനം പിടിച്ചെടുത്തതെന്ന് കസ്റ്റംസും വിശദീകരിച്ചു.
Be the first to comment