രാഹുൽ ഗാന്ധിയുടെ സി.ജെ.പി പരാമർശത്തിൽ അതൃപ്തി അറിയിച്ച് ഇടത് എം പി മാർ. പാർലമെന്റിൽ സ്വീകരിക്കേണ്ട നയസമീപനങ്ങൾ ചർച്ച ചെയ്യാനുള്ള ഇന്ത്യ മുന്നണിയുടെ യോഗത്തിലാണ് ഇടത് എംപിമാർ അതൃപ്തി അറിയിച്ചത്. പരാമർശം ചർച്ചചെയ്യണമെന്ന് ജോൺ ബ്രിട്ടാസും പി സന്തോഷ് കുമാറും ആവശ്യപ്പെട്ടു.
പ്രതിപക്ഷ ഐക്യത്തെ ദുർബലപ്പെടുത്തുന്നതാണ് രാഹുലിന്റെ പരാമർശമെന്നും ഡൽഹിയിൽ പറയുന്നതല്ല രാഹുൽ ഗാന്ധി കേരളത്തിൽ പറയുന്നതെന്നും എം പി മാർ യോഗത്തിൽ പറഞ്ഞു. ഇന്ത്യ മുന്നണിയുടെ ഇന്നത്തെ യോഗം പാർലമെന്റിൽ സ്വീകരിക്കേണ്ട നയങ്ങളെ കുറിച്ച് ചർച്ച ചെയ്യാനാണെന്നും അതൃപ്തി അറിയിക്കേണ്ടത് ഈ യോഗത്തിൽ അല്ലെന്നും മുന്നണിയിലെ മറ്റു നേതാക്കൾ പറഞ്ഞു.
യു.ഡി.എഫിന്റെ പുതുയുഗ യാത്രയിലാണ് രാഹുൽ ഗാന്ധി കേന്ദ്ര, സംസ്ഥാന സർക്കാറുകളെ രൂക്ഷമായി വിമർശിച്ചത്. കേരളത്തിൽ സി.പി.എമ്മും ബി.ജെ.പിയും തമ്മിൽ രഹസ്യ ധാരണയുണ്ടെന്ന് ആരോപിച്ച രാഹുൽ ഗാന്ധി ബി.ജെ.പി, സി.പി.എം തമ്മിലുള്ള ബന്ധത്തെ ‘സി.ജെ.പി’ എന്ന് വിശേഷിപ്പിക്കുകയായിരുന്നു.
Be the first to comment