പ്രശസ്ത കലാസംവിധായകന് കെ ശേഖര് അന്തരിച്ചു. 72 വയസായിരുന്നു. തിരുവനന്തപുരം സ്റ്റാച്യു ജംഗ്ഷനിലെ വസതിയായ ‘പ്രേം വില്ല’യിലായിരുന്നു അന്ത്യം.
ഇന്ത്യയിലെ ആദ്യ 3D ചിത്രമായ ‘മൈ ഡിയര് കുട്ടിച്ചാത്തന്’ സിനിമയുടെ കലാസംവിധായകനായിരുന്നു. ഇതേ ചിത്രത്തിലെ ‘ആലിപ്പഴം പെറുക്കാന്’ എന്ന ഗാനത്തിലെ കറങ്ങുന്ന മുറി ഡിസൈന് ചെയ്തത് ശേഖറാണ്. നോക്കെത്താ ദൂരത്ത് കണ്ണും നട്ട്, ഒന്ന് മുതല് പൂജ്യം വരെ എന്നീ ചിത്രങ്ങളിലും പ്രവര്ത്തിച്ചിട്ടുണ്ട്. റിട്ട. അധ്യാപിക ജയന്തി ശേഖറാണ് ഭാര്യ. സംസ്കാരം തൈക്കാട് ശാന്തികവാടത്തില് നടന്നു.
1982-ല് ജിജോ പുന്നൂസ് സംവിധാനം ചെയ്ത ‘പടയോട്ടം’ എന്ന ചിത്രത്തിലൂടെയാണ് അദ്ദേഹം മലയാള സിനിമയില് അരങ്ങേറ്റം കുറിച്ചത്. ഇന്ത്യയിലെ ആദ്യത്തെ 70mm ചിത്രമായിരുന്നു പടയോട്ടം.
Be the first to comment