ശബരിമലയിലെ സ്വർണമോഷണത്തിൽ ദേവസ്വം വിജിലൻസ് ഇന്ന് ഹൈക്കോടതിയിൽ പൂർണ്ണ അന്വേഷണ റിപ്പോർട്ട് സമർപ്പിക്കും. ദേവസ്വം ബെഞ്ചിന്റെ നിർദേശപ്രകാരമാണ് അന്വേഷണം നടത്തിയത്. 2019ൽ സ്വർണപ്പാളി ചെന്നൈയിലേക്ക് കൊണ്ടുപോയതുമായി ബന്ധപ്പെട്ടുള്ള കാര്യങ്ങളിലാണ് അന്വേഷണം നടത്തിയത്. കോടതി നിയോഗിച്ച പ്രത്യേക അന്വേഷണസംഘവും ഇന്ന് മുതൽ നിലവിൽ വരും. ആറാഴ്ചക്കുള്ളിൽ റിപ്പോർട്ട് സമർപ്പിക്കാനാണ് നിർദേശം.
അതേസമയം, വിഷയം ഇന്ന് സി പി ഐ എം ചർച്ച ചെയ്യും.വിവാദത്തിൽ സമരം ശക്തമാക്കാൻ തീരുമാനിച്ച സാഹചര്യത്തിലാണ് വിഷയം ചർച്ച ചെയ്യുന്നത്. കോൺഗ്രസ് സംസ്ഥാന വ്യാപകമായി നടത്തുന്ന ജാഥകളെ രാഷ്ട്രീയമായി പ്രതിരോധിക്കാനുളള മാർഗങ്ങൾ തീരുമാനിച്ചേക്കും. പുകമറ സൃഷ്ടിച്ച് രാഷ്ട്രീയ നേട്ടത്തിന് ശ്രമിക്കുന്ന പ്രതിപക്ഷത്തെ തുറന്ന് കാട്ടണമെന്ന് നേതൃത്വത്തിൽ അഭിപ്രായമുണ്ട് ഡൽഹിയിലായതിനാൽ മുഖ്യമന്ത്രി ഇന്നത്തെ സെക്രട്ടേറിയേറ്റ് യോഗത്തിൽ പങ്കെടുക്കില്ല.
Be the first to comment