വെള്ളിയാഴ്ചയും(ഒക്- 3) ശനിയാഴ്ചയും(ഒക്- 4) ബ്രിട്ടനിൽ ആമി കൊടുങ്കാറ്റ് ആഞ്ഞടിക്കുമെന്ന് കാലാവസ്ഥാ നിരീക്ഷണ കേന്ദ്രം അറിയിച്ചു. മണിക്കൂറിൽ 80 മൈൽ വേഗതയിൽ വീശിയടിക്കുന്ന കാറ്റ് രാജ്യത്തിന്റെ വിവിധ ഭാഗങ്ങളിൽ പേമാരിയും ഉണ്ടാകുമെന്ന് കാലാവസ്ഥാ നിരീക്ഷണ കേന്ദ്രം മുന്നറിയിപ്പ് നൽകി. ശരത്കാലത്തിലെ ആദ്യത്തെ കൊടുങ്കാറ്റയാ ആമി, യുകെയുടെ വടക്കൻ, പടിഞ്ഞാറൻ മേഖലകളെയാണ് ഏറ്റവും കൂടുതൽ ബാധിക്കുക എന്ന് കാലാവസ്ഥാ നിരീക്ഷണ കേന്ദ്രം അറീയിച്ചു.
ഇന്ന് ( ഒക്- 2)വൈകുന്നേരം 5 മണി മുതൽ നാളെ അവസാനം വരെ പടിഞ്ഞാറൻ സ്കോട്ട്ലൻഡിൽ 31 മണിക്കൂർ യെല്ലോ അലെർട് മുന്നറിയിപ്പ് നൽകിയിട്ടുണ്ട്, അതിനുശേഷം സ്റ്റോം ആമി ഔദ്യോഗികമായി എത്തും. വെള്ളിയാഴ്ച ഉച്ച മുതൽ അർദ്ധരാത്രി വരെ 12 മണിക്കൂർ മഴയ്ക്ക് സാധ്യതയുണ്ടെന്ന് മുന്നറിയിപ്പും സമാനമായ പ്രദേശത്ത് നിലവിലുണ്ട്.
വെള്ളിയാഴ്ച വൈകുന്നേരം 6 മണി മുതൽ ശനിയാഴ്ച അവസാനം വരെ സ്കോട്ട്ലൻഡ്, നോർത്ത് വെസ്റ്റ് ഇംഗ്ലണ്ട്, നോർത്ത് വെയിൽസ് എന്നിവിടങ്ങളിൽ 30 മണിക്കൂർ യെല്ലോ അലെർട് മുന്നറിയിപ്പ് നിലനിൽക്കും. വടക്കൻ അയർലൻഡിൽ വെള്ളിയാഴ്ച വൈകുന്നേരം 4 മണി മുതൽ ശനിയാഴ്ച രാവിലെ 6 മണി വരെ 14 മണിക്കൂർ പ്രത്യേക കാറ്റ് മുന്നറിയിപ്പ് നിലനിൽക്കും.
ആദ്യ മഴ മുന്നറിയിപ്പിന്റെ സമയത്ത്, വെള്ളപ്പൊക്കം മൂലം പ്രദേശങ്ങൾ ‘റോഡുകളിലോ മണ്ണിടിച്ചിലിലോ ഒറ്റപ്പെട്ടേക്കാം’ എന്ന് കാലാവസ്ഥാ നിരീക്ഷകർ പറഞ്ഞു.
Be the first to comment