ശബരിമല സ്വർണക്കൊള്ള കേസിൽ റിമാൻഡിൽ കഴിയുന്ന മുരാരി ബാബുവിന്റെ ജാമ്യാപേക്ഷയിൽ വിധി നാളെ.കൊല്ലം വിജിലൻസ് കോടതിയിൽ ജാമ്യഹർജികളിൽ വാദം പൂർത്തിയായി.അറസ്റ്റിലായി 90 ദിവസം കഴിഞ്ഞത് ചൂണ്ടിക്കാട്ടിയായിരുന്നു ജാമ്യഹർജി. ജാമ്യം ലഭിച്ചാൽ സ്വർണ്ണക്കൊള്ള കേസിൽ പുറത്തിറങ്ങുന്ന ആദ്യ പ്രതിയാകും മുരാരി ബാബു.
അതേസമയം ശബരിമല സ്വര്ണക്കൊള്ളയില് തിരുവിതാംകൂര് ദേവസ്വം ബോര്ഡ് മുന് പ്രസിഡന്റ് എന് വാസുവിന് ജാമ്യമില്ല. എന് വാസുവിന്റെ ജാമ്യാപേക്ഷ സുപ്രീംകോടതി തള്ളി. ഇടപെടാന് ഇല്ലെന്ന് വ്യക്തമാക്കിയ കോടതി, ദൈവത്തെ കൊള്ളയടിച്ചില്ലേ എന്ന പരാമര്ശവും നടത്തി.
തിരുവാഭരണം കമ്മീഷണര് അല്ല താന് എന്ന് വാസു കോടതിയില് വ്യക്തമാക്കി. 77 ദിവസം ആയി കസ്റ്റഡിയില് എന്നും അറിയിച്ചു. എന്നാല് ഇടപെടാനില്ലെന്ന് കോടതി വ്യക്തമാക്കുകയായിരുന്നു. ദൈവത്തെ കൊള്ളയടിച്ചില്ലേ എന്ന പരാമര്ശത്തിന് താന് കമ്മീഷണര് മാത്രമായിരുന്നു എന്നായിരുന്നു വാസുവിന്റെ മറുപടി.
അതിനിടെ ശബരിമല സ്വര്ണക്കൊള്ള കേസില് തന്ത്രിയെ കസ്റ്റഡിയില് വിട്ടു. ഒരു ദിവസത്തേക്കാണ് കസ്റ്റഡിയിലാണ് വിട്ടത്. കേസില് ഉന്നതരെ കേന്ദ്രീകരിച്ചാണ് എസ്ഐടി അന്വേഷണം. ഉണ്ണികൃഷ്ണന് പോറ്റിയുടെ ഫോണുകളുടെ സിഡിആര് പരിശോധനയിലാണ് നിര്ണായക വിവരങ്ങള് ലഭിച്ചത്. പണമിടപാടുകളുടെയും യാത്രകളുടെയും വിവരങ്ങള് ഉണ്ണികൃഷ്ണന് പോറ്റി ഫോണില് സൂക്ഷിച്ചിരുന്നു. 2017ലെ കൊടിമര പുനഃപ്രതിഷ്ഠ ദേവപ്രശ്ന വിധി പ്രകാരമെന്നു സ്ഥിരീകരിക്കുന്ന ദേവപ്രശ്ന ചാര്ത്ത് 24 നു ലഭിച്ചു. 2014 ല് യുഡിഎഫ് നിയോഗിച്ച എം.പി ഗോവിന്ദന് നായരുടെ ബോര്ഡ് ആയിരുന്നു കൊടിമര പുനഃപ്രതിഷ്ഠയ്ക്ക് നിര്ദ്ദേശിച്ചത്.
Be the first to comment